1:16 AM @ismail.jood اليوم بتمم عامي ال 30 بدي احكيكلم انو هالسنه كانت غير عن كل سنه ، بصراحه ما كنت متوقع يجي هاد اليوم واحنا في هيك ظروف ، مش راح اكذب عليكم ، واحكيلكم انو مبسوط … بس راح احكيلكم انو هاي السنه كانت اسوء سنه في تاريخ حياتنا بالنسبه الي وبالنسبه لكتير ناس معي في غزه … في غصه بقلبي لانو ولادي وزوجتي مش معي بهاد اليوم طال البعد والغياب حاسس حالي كتير ..وحيد وعاجز برغم وجود كتير ناس حوليا .. اشتقت احضنك يا جود ، اشتقت احضنك يا تيم 🫂❤️‍🩹 .. صارت حياتنا عباره عن صور واحداث وكل صوره وحدث راح يبقى محفور بذاكرتنا ليوم مماتنا ❤️‍🩹 ربي لا يطولها من شده ويجمعني فيكم على خير في هذا اليوم حابب اشكر والدتي ووالدي اللي الهم فضلهم كبير عليا … ولي كانو سبب في اللي انا فيه اليوم وكمان حابب اشكر زوجتي اللي كانت وما زالت نعم السند الي ولي حملت مسؤليه كبيره في تربيه اطفالي وانا بعيد عنهم … اصدقائي انتم نعمه من ربنا وجودكم في حياتي بيعنيلي كتير شكرا لكل شخص دخل حياتي وضاف الي اشي حلو فيها .. اصدقائي وعائلتي الثانيه كل شخص متابعني بدي احكيلكم انا بجد من قلبي بحكيلكم انو بحبكم وانشالله اكون عند حسن ظنكم دايما وربنا ما يطولها من شده ويعود السلام لمدنيتي الجميله غزه🤲 …